|
Fjallaland er ný og
glæsileg frístundahúsabyggð í landi
Leirubakka í Landsveit.,
Talsvert hefur selst af lóðum í Fjallalandi og eru fyrstu húsin á
svæðinu risin. Aðeins eru um 100 km að Fjallalandi frá Reykjavík og er
malbikað alla leið. Landið er einstaklega fallegt og býður upp á
ótakmarkaða möguleika til hvers konar útivistar og
náttúruskoðunar. Sumarhúsalóðirnar eru í kjarri vöxnu hrauni. Að
sunnan og austan afmarkast það af hinni fallegu Ytri-Rangá sem
hlykkjast í gegnum hraunið, að vestan liggur Fjallaland að
Réttarnesi, sem er stórt skógræktarsvæði í eigu Ásahrepps og
Rangárþings ytra og að norðan er svo jörðin Leirubakki, þar sem
rekin verður fjölþætt þjónustustarfsemi fyrir hina nýju byggð.
Skipulag Fjallalands
miðar allt að því að sumarhúsabyggðin falli sem best að landinu.
Þar eiga allir íbúar að geta verið í næði og búið að sínu, en um
leið verður séð fyrir öllum nútíma þægindum, svo sem góðum
vegasamgöngum, heitu og köldu vatni og vefsambandi. Síðast en
ekki síst verður svo hægt að sækja hvers kyns þjónustu heim að
staðnum á Leirubakka. Þar er til dæmis rekið hótel og
veitingahús, tjaldstæði og útleiga á sölum til samkomuhalds.
Þá verður þar boðið
upp á leikjanámskeið, hestaferðir og margvíslega aðra afþreyingu
fyrir íbúa Fjallalands. Heklusetrið á Leirubakka er safn og
sýning um eldjallið Heklu, sögu hennar og náttúru, þar er einnig
rekið glæsilegt veitingahús. Stefnt er að því að í sameiningu myndi
Leirubakki og Fjallaland frístundabyggð sem verður í algjörum
sérflokki hér á landi.
Náttúran á þessum
slóðum er einstök. Í Fjallalandi er staðviðrasamt og oft mjög
hlýtt á sumrin, enda er orðið mjög langt til sjávar. Umhverfið
er stórbrotið og fjallasýnin glæsileg: Hekla gnæfir yfir og vel
sést til Búrfells, Bjólfells, Tindfjalla og Tindfjallajökuls.
Mikið fuglalíf er í hrauninu og ekki spillir Ytri-Rangá
umhverfinu; í senn ein fallegasta á landsins og ein aflahæsta
laxveiðiáin.
Þá er örstutt frá
Fjallalandi og Leirubakka að mörgum kunnum náttúruperlum svo sem
Landmannalaugum, Hrafntinnuskeri, Veiðivötnum, Landmannahelli,
skóginum í Skarfanesi og þannig mætti lengi telja. Örstutt er
svo í gönguferðir að Réttarnesi, hinum fornu, grjóthlöðnu réttum
Landsveitar, sem hlaðnar voru árið 1680. Hvert sem litið er
blasir falleg náttúra við og sagan er við hvert fótmál.
Leirubakki er gömul jörð og höfuðból að fornu og nýju. Þar stóð
kirkja um meira en sex alda skeið, helguð Pétri postula.
Staðarins er getið í bæði Sturlungu og Byskupasögum og meðal
eigenda Leirubakka fyrr á öldum voru Snorri Sturluson sem þar
stundaði meðal annars nautaeldi, og Ólöf ríka.
Deiliskipulag hinnar nýju byggðar í Fjallalandi er nú tilbúið og
fyrstu lóðirnar komnar í sölu. Hægt er að bjóða mjög góð kjör í
samvinnu við lánastofnanir ef óskað er.
Nánari upplýsingar um
sumarhús frá Danmörku, sem aðlöguð hafa verið að íslenskum
aðstæðum og byggð af íslenskum byggingameistara er að finna á
slóðinni www.frifeldt.dk og
www.hiin.eu .
Allar frekari
upplýsingar er hægt að nálgast með því að senda tölvupóst á
netfangið
fjallaland@fjallaland.is og eins með því að hringja í síma
8935046.
Myndir frá
Fjallalandi.
Hægt er að skoða kort af svæðinu
hér.
Einnig er stærra kort
hér.(ath að myndin er á pdf formi og
nauðsynlegt er að nota "zoom in & zoom out") |
